Екипата на КК Гостивар по денешната промена на челната позиција, донесе уште една важна одлука за екипата, Марјан Србиновски и во следната сезона ќе биде главен тренер.

Поранешниот селектор имаше понуди од неколку екипи, но на крајот одлучи да ја прифати понудата на Гостивар и во наредната сезона да ја предводи екипата од клупата.

„И во новата сезона со истиот предводник! И покрај повеќето понуди, Марјан Србиновски останува лојален на КК Гостивар за да го продолжи тоа што го започна во својот роден град, а можеби и да биде предводник на нешто многу поголемо оваа сезона“, објави КК Гостивар на официјална фејсбук-страница.