Срамен потег на Ибра по елиминацијата на ЛА Галакси! (ВИДЕО)
Доцна синоќа екипата на Лос Анџелес Галакси беше елиминирана во четвртфиналето од плејофот во американската МЛС лига. Во натпревар исполнет со дури осум голови ЛА Галакси загуби од Лос Анџелес ФЦ со конечен резултат 5:3.
Иако ЛА Галакси успеа да израмни во 55. минута на 2:2 преку Златан Ибрахимовиќ, нивниот ривал постигна уште три погодоци до крајот на мечот.
Шведскиот интернационалец Ибрахимовиќ не можеше да се помири со елиминацијата па изби еден инцидент после завршувањето на средбата.
Непосредно пред да го напушти теренот, прво беше провоциран од дел од навивачите на Лос Анџелес ФЦ кои се радуваа на успехот на својот клуб, а потоа со еден срамен потег им возврати Ибра.
Американските медиуми веќе го најавија како негово последно излегување од терените во САД. Претходните денови се објавија информации дека после завршувањето на договорот со ЛА Галакси кој му истекува на крајот од годината, можно е да се врати на европско тло.