Де Лаурентис најавува „бомба“: Ибрахимовиќ е моја желба!
Златан Ибрахимовиќ најмногу сака да се врати во Италија, а неговиот менаџер Мино Рајола веќе повлекува потези. Во претходните денови се шпекулираше дека би можел повторно да го облече дресот на „неро-аѕурите“ со кои успеа трипати да ја освои Серија А.
Но, последните информации велат дека претседателот на Наполи, во чии редови настапува македонскиот репрезентативец Елиф Елмас, Аурелио Де Лаурентис истакна дека Швеѓанецот е негова желба за зимскиот преоден рок.
Ибра не ја криел желбата и да ја заврши кариерата во Наполи. Договорот му истекува за два месеци во САД.
De Laurentiis: Ibrahimovic to Napoli is more than a suggestion, it's my wish https://t.co/epy5JDCSGR pic.twitter.com/ejM28zAKZI
— ForzaItalianFootball (@SerieAFFC) October 23, 2019
– Пред сè, тој ми е пријател. Го запознав не како фудбалер, туку како еден нормален човек во Лос Анџелес, бидејќи бевме сместени во ист хотел. Поминавме неколку добри денови, го повикав него, неговата сопруга и навистина љубезни деца заедно да вечераме – рече Де Лаурентис.
Воедно постои желба кај Де Лаурентис да дојде до соработка.
– Тој е моја желба, но зависи од него, не од мене. Секој има своја логика. Се зборува неколку месеци околу тоа – додаде првиот човек на Наполи.
Ибра има 38 години и веќе во текот на кариерата имаше големи успеси во Италија во дресот на Јувентус, Интер и Милан.