Во градот Павловац во близина на Врање, спасувачката интервенција поради поплави вечерва беше успешно завршена.

Пет деца и четири возрасни беа евакуирани од четири семејни куќи, чии дворови беа под вода на висина од околу 70-80 сантиметри, објави Блиц.рс.

Пријавата е примена во 18:35 часот, а екипите веднаш се испратени на терен. Четири пожарникари-спасувачи со две возила и со пумпа, како и двајца членови на Екипата за спасување и водоснабдување, опремени со чамец, беа испратени на интервенција.

Од безбедносни причини, Електродистрибуција ја исклучи електричната енергија, а во интервенцијата учествуваа четворица пожарникари со две возила од ВСЈ Врање.

Вкупно деветминса, меѓу кои пет деца, беа евакуирани од четири куќи. Акцијата беше успешно завршена во 19:16 часот.

Службата за вонредни ситуации на градот Врање им обезбеди привремен сместувачки капацитет на евакуираните во Центарот за стари и болни лица во Врање.

Нивото на водата на реките Ветерница и Јабланица, кое вчера нагло се зголеми поради обилните врнежи од дожд, денес почна да се стабилизира.