Во недела, кралицата Елизабета Втора ќе стане првиот британски владетел што ќе биде на тронот цели 70 години, со што ќе започне годината на нејзиниот платинест јубилеј. Но, историскиот датум нема да биде обележан со голема церемонија, бидејќи 95-годишната кралица традиционално ја поминува годишнината од смртта на нејзиниот татко далеку од очите на јавноста.

Нејзиното владеење започна кога имала 25 години и кога дознала за смртта на нејзиниот татко, кралот Џорџ Шести, во забатален дел на Кенија каде била со нејзиниот сопруг принцот Филип. Оттогаш, таа стана единствената постојана актерка во период на брзи општествени и политички промени, лидер на модерна Британија и жива врска со нејзиното повоено и царско минато.

Според анкетите, кралицата е редовно најпопуларниот член на кралското семејство, а на 23 јануари отпатувала во својот имот Сандрингам на истокот на Англија. Не се очекуваат нејзини јавни настапи во недела,во склад со традицијата.

Но, четиридневни свечености се закажани за почетокот на јуни, вклучувајќи воена парада, музички концерт, улични прослави, масовен пикник и „натпревар во платинест пудинг“. Беа изработени и специјални монети за да се одбележи досега неодбележена годишнина.