Се расчиствува дворот и околината близу куќата каде последен пат беше видена двегодишната Данка. Денеска на терен се пожарникари и багеристи кои го отстрануваат ѓубрето.  Покрај багерот пристигна и комбајн за да може полицијата да го расчисти имотот полн со дрва, сено и слама. Механизацијата со часови го отстранува ѓубрето од дворот што личи на депонија. Во ѓубрето има се, од фрижидери, машини за перење, до гранки и дрвја кои багерот ги соборува. Сликата од денешната акција во која надлежните се обидуваат да најдат некоја нова трага ја пренесува „Блиц“.

„Денеска немаше копање, туку се работеше само на чистење на просторот каде исчезна девојчето – дворот и плевната каде имаше сено и слама. Тројца багери се уште активно го отстрануваат ѓубрето од дворот, а еден камион сето тоа го одзема“, јавува репортерот на „Блиц“.