Со Ана на ТИ | Владимир Четкар: Не треба да се задоволиме со трошки
Во новата епизода на „Со Ана на ТИ“ гостува човекот кој македонската музика и својата уникатна харизма ја носи на скоро сите светски сцени. Владимир Четкар е гитарист, композитор, пејач и автор со препознатлив фанк-соул звук, кој зад себе има настапи на големи фестивали во Њујорк, Лос Анџелес, Лондон и Токио.
Препорачано
Со Четкар имавме инспиративен разговор кој допира многу теми: неговото детство и семејството што го формирало како човек и уметник, магијата на родниот Охрид, патот до светската публика и што значи да свириш пред илјадници кои ја чувствуваат твојата музика, но и предизвиците и радостите на концертниот живот.
Зборуваме и за нашето општество, за тоа каде е македонската музика денес, што ѝ недостига, а што ја прави препознатлива. Четкар ги сподели своите ставови за работната етика, инспирацијата, како и за тоа што го движи да создава музика која патува подалеку од границите.
Поткастот „Со Ана на ТИ“ можете да го гледате секој петок во 19 часот на јутјуб каналот на „Слободен печат“
