Следува спектакуларна жрепка: Познати сите 16 учесници во нокаут-фазата на ЛШ
Во една незаборавна вечер се спушти завесата на групната фаза од Лигата на шампионите за натпреварувачката сезона 2022/2023. Ги имаме најдобрите 16 екипи, ждрепката за осминафиналето е в понеделник (7 јануари), а првите натпревари од нокаут фазата ќе се играат на 14, 15, 21 и 22 февруари, додека реванш средбите на 7, 8, 14 и 15 март 2023 година.
На жрепката ќе има ограничувања, односно не можат да се сретнат екипи од иста земја, но и оние кои беа во иста група. По елиминацијата на Динамо Загреб на Аријан Адеми и Стефан Ристовски, единствен кој ќе продолжи да ја претставува Македонија во ЛШ е Елиф Елмас со Наполи.
Прв шешир: Наполи, Порто, Баерн Минхен, Тотенхем, Челси, Реал Мадрид, Манчестер сити, Бенфика.
Втор шешир: Ливерпул, Клуб Бриж, Интер, Ајнтрахт Франкфурт, Милан, Лајпциг, Борусија Дортмунд, ПСЖ.
Round of 16 complete ✅#UCLdraw || #UCL pic.twitter.com/lOe8RlOPvT
— UEFA Champions League (@ChampionsLeague) November 2, 2022
Дефинитивно очекуваме фантастични осминафинални двојки за осминафиналето, никој нема да ги сака ПСЖ и Ливерпул од вториот шешир, а Милан и Интер исто така можат да бидат незгодни.
Кога станува збор за Лига Европа, таму како третопласирани од групната фаза во ЛШ одат Ајакс, Баер Леверкузен, Барселона, Спортинг, Салцбург, Шахтјор, Севиља и Јувентус.
Овие екипи ќе играат плеј-оф за пласман во осминафиналето на Лига Европа, а ривали ќе им бидат второпласираните од групната фаза на тоа натпреварување.