Никој не очекуваше она што се случи со Израел во саботата наутро кога членовите на Хамас извршија прво ракетни напади, а потоа упаднаа во јужниот дел на Израел. Упаѓаа во израелски градови и киднапираа цивили и војници, а повеќе од 100 од нив се киднапирани и се верува дека се наоѓаат во Појасот Газа. Во борбите се убиени стотици луѓе, а повеќе илајди се повредени. Ракетните напади врз Израел во 21 век не се случуваат првпат. Меѓутоа, овој интензитет на напади не е забележан од војната во Јом Кипурската војна во 1973 година, па од завчера се наметнуваат и многу прашања.

Израел официјално објави војна во недела, 8 октомври, за првпат по Октомвриската војна во 1973 година.

Израелскиот премиер Бенјамин Нетанјаху објави дека неговата земја е во војна, а војската одговори со напад на Појасот Газа.

По овие страшни вести, на социјалните мрежи се огласи и пејачката Ноа Кирел која годинава го претставуваше Израел на Евровизија со песната „Unicorn“ и освои многу симпатии кај публиката.

„Ми беше исклучително тешко да ги сварам последните 24 часа и сè уште се обидувам да ги пронајдам вистинските зборови за да ја искажам огромната болка низ која поминуваме јас и мојата земја. Вчера, рано наутро, кон нас беа испукани над 3.000 ракети, повеќе од 300 наши браќа и сестри беа заклани од терористи кои се инфилтрираа во нашите градови, повеќе од 1.000 се повредени, а нашите војници и цивили (вклучувајќи невини деца и постари лица ) биле киднапирани и одведени во Газа. Срцето ме боли за жртвите и семејствата погодени од овој разорен масакр. Моето срце е со вас и се молам за брзо враќање на нашите браќа и сестри дома. Не се сомневам дека ќе победиме“, напишала Ноа на Инстаграм.