Изложбата на фотографии со наслов „Урбана архитектура во двојна експозиција“ на Виктор Поповски од 4 до 16 јуни ќе биде поставена во галеријата на Младинскиот културен центар во Скопје.

„Фотографиите се дел од проектот, со исто име како изложбата. Досега се направени околу шеесетина фотографии. Кога ќе бидат 100, би сакал да ги издадам во една фото книга. Идејата започна како експеримент со разни објекти. Кога го добив посакуваниот резултат, се конкретизираше и циклусот, односно темата, а тоа е поглед кон градбите на Скопје од една поинаква, несекојдневна перспектива, која, по мене, е попривлечна за окото на гледачот“, открива фотографот Виктор Поповски.

(Текстот е објавен во „Културен печат“ број 83, во печатеното издание на „Слободен печат“ на 5-6 јуни 2021)