Скопјани рационално да ја користат водата за пиење, резервоарите за вода во Радишани и Гази Баба не можат да се полнат доволно

Фонтана во Скопје / Фото: EPA-EFE/GEORGI LICOVSKI

Јавното претпријатие „Водовод и канализација“ – Скопје апелира до скопјани рационално и внимателно да ја користат водата во деновите со екстремно високи температури. Од таму посочуваат дека особено треба да се избегнува непотребно трошење на водата за полевање бавчи и ниви.

– Поради енормно зголемената потрошувачка на водата за пиење се соочуваме со сериозни проблеми при водоснабдувањето во одредени делови од градот. Во изминатиов период резервоарите за вода во Радишани и Гази Баба, заради преголемата потрошувачка, не можат да се наполнат и да го постигнат својот капацитет за работа, велат од ЈП „Водовод и Канализација“.

Врз основа на податоците од Управата за хидрометеоролошки работи, кои во континуитет најавуваат високи температури во наредниот период, од градскиот водовод апелираат до жителите на градот Скопје рационално и внимателно да се користи водата за пиење.

Видео на денот