Манчестер сити минатиот месец е суспендиран на две години од Лигата на шампионите поради финансиски малверзации, но управата на „граѓаните“ не е премногу загрижена, веќе вложи жалба на одлуката и згора на тоа ги ангажира најскапите адвокати во Англија и во Швајцарија.

Освен тоа, управата планира да ги задржи и своите најдобри фудбалери и веднаш по натпреварите против Манчестер јунајтед и Арсенал во недела и среда, ќе седна на преговарачка маса.

Челниците на Манчестер сити планираат да им понудат нови далеку подобри тригодишни договори на Кевин Де Брујне и на Рахим Стерлинг.

Со новите договори во Манчестер сити сакаат да им покажат на своите фудбалери дека евентуалната суспензија од Лигата на шампионите нема да влијае на финансиите на клубот.