Сите пратеници на новото парламентарно мнозинство во Црна Гора го поддржаа лидерот на коалицијата „За иднината на Црна Гора“ Здравко Кривокапиќ за мандатар за состав на новата Влада на Црна Гора, соопштија од Демократски фронт, Демократска Црна Гора и Граѓанското движење УРА, пишува Вијести.ме.

Тие објавија фотографии од документот со потписите на 27 пратеници на коалицијата „За иднината на Црна Гора“, 10 пратеници на коалицијата „Мир е нашата нација“ и четири пратеници на коалицијата „Црна на бело“, со барање до претседателот на државата Мило Ѓукановиќ да го предложи Кривокапиќ за мандатар.

Svi poslanici nove parlamentarne većine podržali su profesora @ZdravkoKrivokcg za mandatara za sastav nove Vlade Crne Gore. pic.twitter.com/8nUwBWXnAa

— Građanski pokret URA (@pokretura) September 23, 2020

Од Демократски фронт претходно предложија лидерот на коалицијата „Мир е нашата нација“ Алекс Бечиќ да биде претседател на Собранието, а Кривокапиќ мандатар на идната Влада.

„Нас не интересира само иднината на Црна Гора и целиот нејзин народ“, соопшти пратеникот на Демократски фронт, Милан Кнежевиќ на денешната конститутивна седница на Собранието.