САД во средината на минатиот месец извршија успешно тестирање на хиперсонична ракета, но не објавија детали за тоа за да се избегнат тензии со Русија, во периодот додека американскиот претседател Џо Бајден требаше да патува во Европа, изјавил за Си-Ен-Ен официјален претставник упатен во проблематиката.

Според него, „Hypersonic Air-breathing Weapon Concept (HAWC)” бил лансиран од бомбардер „Б-52″ на западниот брег на САД, а вооочи посетата на претседателот Бајден на Европа и НАТО.

Ракетната проба била спроведена неколку дена откако Русија со хиперсонично оружје од сопствениот арсенал ракетираше складиште за муниција во западна Украина.