Швајцарската компанија Aркор планира да дистрибуира литиум од Лопаре до Мерцедес
Швајцарската рударска компанија Aркор и канадската компанија Рок Тех потпишаа договор за партнерство кој ќе вклучува дистрибуција на литиум од Лопаре во Босна и Херцеговина.
„Литиум карбонат ќе се ископува на еколошки и општествено одговорен начин во рудникот на Аркор во Лопаре, Босна и Херцеговина, а потоа компанијата Рок Тех ќе го претвори во литиум хидроксид „Произведено во Германија““, најавија тие, објави Кликс.ба.
Рок Тех исто така го гради својот прв капацитет во Германија за производство на литиум хидроксид за батериите и автомобилската индустрија од 2026 година. Меѓу другото, компанијата веќе има потпишано купопродажни договори со групацијата Meрцедес-Бенц.
Во фазата на истражување што трае од 2018 година, Aркор потврди наоѓалишта на литиум карбонат, како и бор, калиум и магнезиум сулфат во рудник во близина на Лопаре. Како што истакнува Николас Тренд, шеф на Одборот на директори на Aркор, локацијата е единствена во светот во однос на нејзината големина и геолошка структура.
Поценките се дека во областа Лопаре има наоѓалишта од 1,5 милиони тони еквивалент на литиум карбонат, 14 милиони тони бор, 35 милиони тони калиум и 94 милиони тони магнезиум сулфат.