Што треба да знаете доколку правите колач со замрзнато овошје?
Особено кога свежото овошје како боровинки, вишни, јагоди ги нема во зимскиот период, замрзнатото овошје е едноставен и достапен начин да додатете малку свежина во вашите печива.
Но, мора да внимавате со замрзнатото овошје, немојте директно да го истурите од кесичката во тестото. Секое замрзнато овошје додека се топи испушта течност. Плус, замрзнатите овошја обично се потешки од тестото и лесно можат да „потонат“ на дното од вашиот колач.
За среќа, постојат неколку трикови со кои може да ги избегнете овие вообичаени грешки при печење:
За овошјето да не „потоне“ во тестото, можете да го поросете со пченкарно брашно. Само исцедете ја течноста, ставете го овошјето во еден сад, додадете малку брашно и промешајте.
Друг совет е да го нанесете овошјето врз тестото. Ставете половина од тестото во садот за печење, потоа истурете го овошјето, па врз него ставете го преостанатото тесто и повторно ставете овошје. Така, вашиот колач ќе изгледа поинтересно.
Друга „опасност“ при печење колачи со замрзнато овошје е тоа што тие можат да ја променат бојата на тестото. Тоа целосно може да го промени изгледот на вашиот десерт.
Според „King Arthur Baking Company“, лесно можете да го избегнете ова, или барем да ја намалите промената во бојата. Од таму советуваат откако ќе се одмрзне, убаво измијте го овошјето. Се препорачува овошјето да го измиете со ладна вода неколку пати, додека не се забележи значително помалку боја во водата. Потоа исушете го овошјето на неколку парчиња кујнска хартија пред да го додадете во тестото.
Сличен метод што исто така се препорачува за подготвување печива со замрзнато овошје е да го оставите овошјето да се одмрзнува во цедалка поставена врз некој сад, за сокот што ќе истече да можете да го искористите во некое смути или едноставно да си го испиете.
Откако ќе се одмрзне, исуштете го овошјето и поросете малку брашно. И поросувањето со брашно може да помогне да не се смени бојата на тестото. Овие едноставни трикови може да ви помогнат да ги направите вашите десерти многу подобри.