Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„A Beautiful Life“ – филм на Нетфликс

Елиот, млад рибар со извонреден глас, добива животна шанса кога музичката менаџерка Сузан ќе го открие на забава.

Жанр: драма / „IMDB“ оценка: 6.4 / „Rotten Tomatoes“ рејтинг: 50%

„The Tailor“ – серија на Нетфликс

Познат кројач почнува да шие венчаница за свршеницата на својот најдобар пријател, но сите тројца имаат мрачни тајни кои наскоро ќе им ги уништат животите.

Жанр: мистерија / „IMDB“ оценка: 6 / „Rotten Tomatoes“ рејтинг: 57%

„Love to Love You, Donna Summer“ – филм на Ејџ-би-о

Личен портрет на Дона Самер на и надвор од сцената, филмот содржи мноштво фотографии и домашни видеоснимки, и ни отвора богат прозорец кон изненадувачкиот опсег на нејзината уметност, истражувајќи ги подемите и падовите на животот на глобалната сцена.

Жанр: документарец / „IMDB“ оценка: 6.6 / „Rotten Tomatoes“ рејтинг: 83%

„Painting With John“ – серија на Ејџ-би-о

Делумно медитативна лекција, делумно лежерен муабет, секоја епизода од оваа серија го следи уметникот Џон Лури седнат на својата работна маса, каде што ги бруси своите техники со водени бои и ги споделува животните искуства.

Жанр: комедија / „IMDB“ оценка: 7.7 / „Rotten Tomatoes“ рејтинг: 100%