Шпанија можеби нема да земе учество во Самитот во Загреб поради Косово
Шпанија се заканува дека ќе го бојкотира Самитот во Загреб поради присуството на Косово, дознава Радио Слободна Европа, од извори во Мадрид, Загреб и Брисел.
Според изворите, шпанските власти ги предупредиле домаќините на следниот Самит дека нема да присуствуваат на средба каде што Косово ќе има еднакво учество со другите земји од Западен Балкан.
Дипломатите на другите земји на Европската Унија се запознаени со фактот дека Шпанија може да го заобиколи Самитот во Загреб.
Овој Самит помеѓу преставници на ЕУ и на тие од Западен Балкан ќе се одржи на 6 и 7 мај.
Владата во Мадрид и порано бојкотираше вакви настани каде присуствуваше и Косово. Во 2018 година во Софија, кога се одржи самитот со Западен Балкан, првиот после 15 години, официјален Мадрид не учествуваше поради истите причини.