Фудбалската федерација на Косово (ФФК) објави дека добиле информација од Фудбалската федерација на Шпанија (РФЕФ) оти натпреварот помеѓу овие две репрезентации ќе се игра според протоколите на ФИФА и УЕФА.

Во соопштението се наведува дека претседателот на ФФК, Агим Адеми добил повик од челниците на РФЕФ кои му изразиле жалење поради веста објавена во шпанските медиуми и потврдиле дека квалафикацискиот натпревар за пласман на СП 2022 година, ќе се игра според протоколите на ФИФА и УЕФА.

ФФК добила потврда и од УЕФА дека натпреварот ќе се одигра како што е предвидено и според нивните протоколи.

Проблемите настанаа откако Министерството за надворешни работи на Шпанија им наложи на шпанските медиуми но и на РФЕФ, натпреварот кој треба да се игра на 31. март, противникот да го нарекуват „екипа од територија на Косоцво“ и да не интонира химната и да нема истакнување на знаме.
ФФК уште вчера реагираше и се закани дека нема да го игра натпреварот со Шпанија, доколку не се почитуваат протоколите на ФИФА и УЕФА.

Скандал во најава: Косово се заканува дека нема да игра против Шпанија во квалификациите за СП