Скандал во најава: Косово се заканува дека нема да игра против Шпанија во квалификациите за СП
Поради одлуката на шпанските власти наместо репреезентација на Косово, да се употреби изразот „екипа од територија на Косово“, фудбалската федерација на Косово се заканува со неиграње на натпреварот од квалификациите за СП 2022 година.
Шпанските власти денеска им наложија на телевизиите но и на Фудбалската федерација на Шпанија, да нема истакнувања на знамиња и да не се свири химната, а за името на противникот да го користат изразот „екипа од територија на Косово“. Причината за овој потег на шпанската влада е бидејќи не го признава Косово како независна држава.
Фудбалската федерација на Косово реагираше на оваа одлука на шпанската влада со соопштение, барајќи да се повлече терминот „екипа од територијата на Косово“ напоменувајќи дека ваквиот потег претставува дискриминација и дека планираат да не го одиграат натпреварот доколку не биде променета одлуката.
⚠️ OFICIAL | @LUISENRIQUE21 dará a conocer la próxima lista el lunes 15 de marzo.
? España inicia el camino hacia #Catar2022 contra Grecia, Georgia y territorio de Kosovo.
➡️ Luis de la Fuente también anunciará la convocatoria para la EURO Sub-21.
? https://t.co/MaRD0ulUL0 pic.twitter.com/Q2DkSxEIcg
— Selección Española de Fútbol (@SeFutbol) March 9, 2021
„ Правилата на ФИФА и УЕФА се кристално јасни. Без разлика што сакате да порачате со овој потег, правилата не можат да се менуваат. Обидот на Шпанија да ја минимизира државноста на Косово , повикувајќи се на нас како територија, е залуден и неправеден. Свесни се дека ќе се соочат со косовската репрезентација која ќе биде претставена како и секоја друга земја. Нивна работа е како ќе се правдаат пред домашните медиуми, но Косово нема да прави отстапки. Ќе играме само по строгите критериуми и правила на УЕФА, со државна химна и знаме, во спротивно натпреварот нема да се одигра“, стои во дел од соопштението на Фудбалската федерација на Косово упатено до Шпанската федерација.
Фудбалската федерација на Косово побара во Шпанија да гостува со сите симболи, химна и назив и тоа го постави како услов за одигрување на натпреварот.
Натреварот помеѓу Шпанија и Косово треба да се игра на 31. март во Севиља во рамки на квалификациите за пласман на СП 2022 година.
