Денеска на подготовките во турската Анталија фудбалерите на Шкендија одиграа пријателски натпревар во кој загубија минимално со 2:1 од словачкиот клуб Подбрезова.

После првото полувреме тетовските „црвено-црни“ имаа позитива од 1:0 со голот на Бесарт Ибраими во 32 минута од мечот.

Играчите на тренерот Јетон Беќири не успеаја да ја задржат предноста во вториот дел во кој противниците успеаја да направат пресврт за победа.

Подбрезова успеа да слави на овој контролен меч со погодоците на Демл и Хавриленко.

За Шкендија ова беше трет тест оваа зима, претходно триумфираше над Брера Струмица (3:0), а ремизираше со украинската Олександрија (1:1).

Според најавите до стартот на пролетниот дел од сезоната, актуелниот македонски шампион ќе игра контролни мечеви и со Сараево од Босна и Херцеговина на 28 јануари, а на 1 февруари ќе тестира со Ордабаси од Казахстан.