Кинескиот производител на паметни телефони Шаоми ќе го лансира своето прво електрично возило (ЕВ) и од денес ќе започне да прима нарачки. Нејзиниот главен извршен директор Леи Јун оваа недела изјави дека Спид Ултра 7 (СУ7) ќе има цена од нешто под 500.000 јуани (69.186 долари).

Овој потег ќе доведе до тоа технолошкиот гигант да се соочи со ривали како Тесла и БЈД. Влезот на Шаоми на пазарот на електрични автомобили доаѓа бидејќи растот на продажбата забави на глобално ниво, предизвикувајќи ценовна војна.

Фирмата се надева дека заедничкиот оперативен систем на СУ7 со телефоните, лаптопите и другите уреди ќе им се допадне на постоечките клиенти. Шаоми е трет по големина продавач на телефони во светот со пазарен удел од околу 12%, според истражувачката компанија Каунтерпоинт.

СУ7, кој Шаоми го подготвува од минатата година, направи споредби со моделите на спортски автомобили Тајкан и Панамера на Порше.

„Иако стигнувањето до тука само по себе е прилично достигнување, крајното достигнување би било да се демонстрира дека постои потрошувачки пазар за Шаоми како бренд за паметни електрични возила“, изјави Бил Русо од Аутомобилити за Би-Би-Си.

Во знак на предизвиците со кои се соочуваат технолошките фирми кои сакаат да произведуваат електрични автомобили, производителот на ајфон, Епл минатиот месец наводно ги откажал своите планови за производство на ЕВ. Шаоми соопшти дека ќе инвестира 10 милијарди долари во својот бизнис со возила во следните 10 години.