Денеска во Варшава од 20.45 часот репрезентациите на Полска и Македонија ќе го одиграат својот петти меѓусебен натпревар.

На 14 февруари 2003 година во пријателски меч одигран во Сплит (Хрватска) загубивме од Полјаците со 0:3.

Потоа, уште еден пријателски натпревар во Ројтлинген (Германија) на 26 мај 2008 година, а таму ремизиравме 1:1. На тој дуел поведовме со 1:0 преку Мазнов во 45 минута, а Матусиак израмни од пенал во 83 минута.

И третата контролна средба одиграна во Анталија (Турција) на 14 декември 2012 година македонските фудбалери претрпеа пораз од 4:1, стрелец на единствениот гол за нашата селекција беше Блажевски во 87 минута.

Годинава за првпат се најдовме во квалификациска група, во овој случај за ЕП 2020 година, на првата пресметка во Скопје на 7 јуни загубивме со 0:1, стрелаше Пјонтек во 47 минута, од единствениот удар кој што го имаат во рамките од нашиот гол.