Екипата на Порто го направи најголемото изненадување во досегашниот дел од ракометната Лига на шампионите со победата од 27:28 над Кил во Германија.

Во последната минута и двете екипи влегоа израмнети, 27:27 и на 15-ти секунди до крајот голманот на Порто, Алфредо Кинтана го одбрани шутот на домашните ракометари, за во последната секунда Руи Силва да го постигне победничкиот гол.

Alfredo Quintana makes a save with less than 30 seconds remaining before Rui Silva scores the winning goal, giving @FCPorto an unforgettable win against @thw_handball. ? #KIEPOR #veluxehfcl #ehfcl pic.twitter.com/n1vZS4e00F

— EHF Champions League (@ehfcl) November 10, 2019

Виктор Мануел Алварез со шест гола беше најпрецизен кај сензационалниот победник додека кај Кил, Никлас Екберг даде седум гола.

Ова е трет триумф за португалскиот тим со што се искачи на пестата позиција на табелата, додека Кил и покрај поразот остана на првото место на табелата со 11 бодови, два повеќе од Монпелје и Вардар.

Претходно Целје со 24:22 го совлада Загреб ППД, а Барселона со 30:34 како гостин го победи Алборг.

Резултати: ГОГ – Кристианштад 37:37, Алборг – Барселона 30:34, Целје – Загреб 24:22, Мотор – Монпелје 25:26, ПИК Сегед – Елверум 32:25, Висла – Чеховски Медведи 34:28, Кил – Порто 27:28.