Можеби ви се чини дека неутралните бои се најбезбедни за комбинирање на вашиот дневен и вечерен изглед, но не се плашете ниту од светлите и интензивните.

На вас е само да научите како да ги комбинирате, за да се истакнуваат една со друга, а да не предизвикате модна катастрофа.

Зелена и жолта

Облечете зелено здолниште и бела кошула, а изгледот дополнете го со жолти модни додатоци. Похрабрите може да изберат и жолто сако.

Корална, сина и розова

Оваа комбинација потсетува на неодоливиот морски свет. А ако изгледа добро во природата, ќе изгледа добро и на вас.

Темно сина и портокалова

Пастелна портокалова и темно сина или тегет се непогрешлива комбинација за храбрите модерни девојки и жени.

Тиркизна и бела

Тиркизната е интензивна, а белата ја „ублажува“ нејзината јачина. Со оваа комбинација не морате да носите воопшто накит, а чевлите и чантата може да бидат црни или бели.

Темно виолетова, црна, бела и беж

Црно-белата комбинација истакнете ја со марама или чанта во темно виолетова боја. Накитот во овој случај нека биде дискретен, а нема да погрешите со злато или сребро.

Бебешка сина, бела и розова

Нежните нијанси лесно се комбинираат и никогаш не изгледаат здодевно.

Костенлива, беж и тиркизна

Костенливата и бежот нека бидат главен фокус, а комбинацијата разиграјте ја со накит и модни додатоци во тиркизна боја.

Бордо, тегет и кафеава

Оваа комбинација неодоливо потсетува на есен и на десерти. Играјте си со нијансите и со модните детали.

Темно сина, жолта и тиркизна

Блузите со бели и тегет риги одлично се комбинираат со жолти здолништа и панталони. Накитот, каишот, чантата може да бидат во тиркизна.