Сега и официјално: Oва е новиот Samsung Galaxy Note 10 (ФОТО)
Samsung ќе го претстави смартфонот Galaxy Note 10 на 7. август. Симпатизерите не треба да чекаат до следниот месец да го видат телефонот за прв пат. Слики од уредот веќе беа објавени од Федералната комуникациска комисија (FCC), пишува CNBC.
FCC ги објавува вообичаените документи за сертификација за претстојниот high-end паметен телефон на Samsung. Еден од документите вклучува неколку фотографии од уредот кој сè уште не е на пазарот.
#Samsung – #GalaxyNote10 – Samsung Galaxy Note 10 Official Marketing Renders https://t.co/GXD8THZogT pic.twitter.com/fUKYX5hIxG
— /LEAKS (@Slashleaks) July 10, 2019
Кадрите покажуваат дека Galaxy Note 10 нема да има влез за слушалки, по трендот кој Apple го наметна во 2016 година, кога ги отстрани влезот за слушалки на iPhone 7, а потоа и од другите уреди.
Note 10 ќе има тројна камера, може да се забележи на сликите. Документите покажуваат дека овој смартфон нема да поддржува 5G, но се очекува Samsung да пушти неколку модели од овој уред.
Here is the official images of Samsung Galaxy Note 10 and Note 10+. Available in two colors Classic Black and Gradient Silver.
Full Specs – https://t.co/MFpsd9R6Hd#GalaxyNote10 #GalaxyNote10Plus #Unpacked #note10 #Note10Plus #Samsung pic.twitter.com/JBAU0lzoDr
— GSMArc (@gsmarc_com) July 11, 2019
Galaxy Note е позициониран така што Samsung ќе се натпреварува директно со iPhone на Apple во премиум сегментот на пазарот на паметни телефони во САД. Од нештата кои се истакнуваат се S-Pen пенкалото и големиот екран. Вообичаено, паметниот телефон излегува на крајот на летото.
Минатата година Galaxy Note 9 се нудеше по почетна цена од 999 долари и беше лансиран на пазарот во август.
Во 2018 година, Samsung има продадено повеќе смартфони од било која друга компанија, претекнувајќи ги Apple и Huawei, покажуваат податоците на компанијата за истражување на пазарот IDC.