Сефте победа за Шкендија
Тетовчани конечно во петтото коло од домашниот шампион, ја оствари првата победа. Шкендија со 3:0 го совлада Работнички во првиот натпревар по отказот на Ќатип Османи кој изминатите две сезони и донесе две титули на екипата.
Жуниор и Армен Алими со головите во првото полувреме ја најавија победата, додека конечниот резултат го постигна Тотре.
Идентична победа од 3:0 оствари и Вардар над тимот на Струга Трим-Лум. Вардарци головите ги постигнаа во второто полувреме и тоа преку Реис Жуниор кој два пати ја тресеше мрежата на Стружани и Најдовски.
„Лавовите“ продолжуваат со одличните игри на стартот од шампионатот и пред своите гледачи немаа никави проблеми против тимот на Борец кого го победија со 3:1. Велешани поведоа во четвртата минута преку Прелчец, но тоа како да ги налути „лавовите“ кои преку Карваљо, Блажевски и Демир дојдоа до нови три бодови со кои се на второто место на табелата.
Резултати 5.коло:
Академија Пандев – Ренова 2:0
Шкендија – Работнички 3:0
Македонија ЃП – Борец 3:1
Шкупи – Силекс 1:0
Вардар – Струга 3:0.