СЕ ОБИДЕЛ ДА ШВЕРЦУВА КОКАИН ПОД ПЕРИКА: Неговата фотографија стана хит на Интернет!
Еден колумбиски државјанин е уапсен на меѓународниот аеродром во Барселона, откако полицијата под неговата перика пронашла половина килограм кокаин.
Откако слетал со авионот од Богота, овој Колумбиец го привлекол вниманието на полицијата затоа што бил нервозен, а под шеширот неговата перика едноставно била преголема.
На шпанските полицајци не им требало долго за под неговата невообичаено голема перика да пронајдат половина килограм кокаин чија што вредност се проценува на околу 30 илјади евра.
„Нема граница во инвентивноста на трговците со дрога во настојувањето да ги изиграат царинските контроли“, стои во соопштението на шпанската полиција со приложените фотографии од уапсениот Колумбиец.
Колумбиецот бил уапсен кон крајот на јуни, а шпанската полиција откри дека само во текот на 2018-та година на аеродромот „Ел Прат“ во близина на Барселона запленила повеќе од 100 килограми кокаин.