СДСМ: Мицкоски е заложник на Левица, нема друг план освен да го следи Апасиев
„Мицкоски уште еднаш покажа дека е само обичен заложник на Димитар Апасиев и Левица, класичен антиевропски политичар“, велат од владејачкио Социјалдемократски сојуз во реакција на вечерашното интервју на опозицискиот лидер Христијан Мицкоски на „Канал 5“.
Еве ја во целост реакцијата од СДСМ:
„Освен да го следи Димитар Апасиев во секојдневен натпревар за блокади и кочење на државата, Христијан Мицкоски друг план нема. Коалицијата на ВМРО-ДПМНЕ и Левица е коалиција на хаос и враќање назад. Нивната единствена цел е да го попречат европскиот пат на земјата. Затоа ниту збор од Мицкоски не слушнавме за успешното справување со енергетската и економската криза, за покачените плати и пензии, за рекордниот износ на странски инвестиции.
Пропаднаа сите најави на Мицковски и Левица државата наскоро ќе пропадне, ќе нема доволно струја, гас, бензин, дека ќе има рестрикции на струја, прекини и недостиг на храна во супермаркетите.
Ковачевски успеа да ја спаси македонската економија која забрзано се опоравува од кризата. Инфлацијата е зауздана, а политиките на Ковачевски ги намалуваат цените на лебот, тестенините, млекото, месото, јајцата. Дополнително, денеска Христијан Мицкоски призна дека со месеци го лажеше народот и своето членство дека има 61 пратеник и ќе го распушти Собранието оваа пролет. Наместо распуштање имаме зголемено и стабилно парламентарно мнозинство предводено од СДСМ. СДСМ нема да се откаже од европската иднина, силно и одлучно ќе продолжиме по европскиот пат. Мицкоски и Апасиев ги чекаат нови порази“, порачуваат од СДСМ.
Влада со ДУИ за Мицкоски е непосакувано сценарио: „За аферите ќе си одговараат“