Саудиска Арабија изврши напади врз Јемен, Хутите се заканија дека ќе се одмаздат
Саудиска Арабија изврши воздушни напади врз Хутите во јеменскиот пристанишен град Ходеида и на блискиот остров . Нападите се одговор на поморската блокада наметната од групата поддржана од Иран и нејзините напади врз саудиските бродови. Саудиските власти подоцна издадоа вонредни предупредувања за покраината Џизан откако Хутите ја презедоа одговорноста за ракетен напад врз истоимениот град, пишува Би-Би-Си.
Препорачано
Медиумската мрежа на Хутите, Ансаролах, објави рано утрово на Телеграм дека „јеменски ракетен напад“ предизвикал пожари во саудискиот град Џизан. Хутите се заканија дека ќе се одмаздат за вчерашните саудиски напади врз цели во Јемен.
Нападите врз цивилни цели „нема да останат неказнети“, објави новинската агенција Саба, контролирана од Хутите.
Во исто време, американската армија објави дека пукала врз танкер во Оманскиот Залив и го онеспособила. Во соопштението за медиумите се наведува дека бродот се обидел да ја избегне американската блокада на иранските пристаништа. Ова е втор комерцијален брод што американската војска го онеспособила откако повторно ја воведе блокадата.
Houthi missiles reportedly struck Saudi Arabia’s Jizan region. pic.twitter.com/D74oJdmouY
— Clash Report (@clashreport) July 25, 2026
Го онеспособивме танкерот откако екипажот се обиде најмалку четири пати да ја пробие блокадата“, изјавил за АФП портпаролот на Централната команда на САД, додавајќи дека екипажот бил неколку пати предупреден но не ги следел упатствата.
Вчера Иран објави дека извршил напади со беспилотни летала врз американски воени објекти и бази низ Блискиот Исток, со објаснување дека тоа е одмазда за американски напади врз земјата, кои траат веќе 13 ноќи.
Зборувајќи со новинарите во Белата куќа во петокот, американскиот претседател Доналд Трамп се закани со нови напади, но нагласи дека преговорите продолжуваат.
„Разговараме со нив. Мислам дека се сериозни. Мислам дека се најсериозни досега, но тоа не значи дека ќе постигнеме договор“, изјави тој.
ВИДЕО | Ирански генерал: САД го употребија секое оружје што го чувале за Третата светска војна
Запрашан за стратегијата за излез од конфликтот со Иран, Трамп одговори:
„Постои воена опција, според која ние само продолжуваме да го правиме она што го правиме и можеме да го зголемиме интензитетот и да уништиме сè што имаат. И постои попаметна стратегија, а тоа е да се постигне договор“.
Сепак, тој додаде: „Сè е подготвено и оружјето е наполнето. Чекаме наредба.“
