Од утре нема да важи бесплатното користење на јавниот превоз за возрасни лица (жени со/над 62 год, мажи со/над 64 год) во вторник, петок, сабота и недела, информираат од ЈСП.

ЈСП апелира на рационално користење на превозот и на задолжително носење на заштитна опрема согласно уредбите за заштита од Ковид 19.

Бесплатниот превоз за пензионерите беше вратен во петокот поради олабавувањето на мерките поради коронавирусот. Во последните неколку дена Институтот за јавно здравје бележи зголемен број на новозаразени со вирусот на дневно ниво. Поради ваквата состојба, министерот Венко Филипче најави дека, доколку не се почитуваат мерките за заштита од ковид-19, можно е да се вратат дел од рестриктивните мерки, а како опција не се исклучува ниту воведување на карантин во оопштините каде е зголемен бројот на заразени.