Само еден менаџер има повеќе победи од Клоп во првите 150 натпревари во Премиер лигата
Јирген Клоп на вчерашното дерби против Челси, по 150. пат го предводеше Ливерпул во Премиер лигата и јубилејот го зачини со победа од 2:1 со која и по шест кола има максимален учинок.
Германецот има 92 победи од 150 натпревари, две повеќе од легендарниот менаџер на Манчестер јунајтед, сер Алекс Фергусон, но сепак заостанува зад еден тренер.
150 – Jürgen Klopp is taking charge of his 150th Premier League match today; only José Mourinho (105) won more of his first 150 games in the competition than the German (91 in 149 before today). Maestro. pic.twitter.com/wx75SJtl64
— OptaJoe (@OptaJoe) September 22, 2019
Жозе Муруњо во првите 150 натпревари во Премиер лигата, како тренер на Челси запиша дури 105 победи, но сепак тие денови се далеку зад Мурињо бидејќи од декември минатата година, сè уште нема ангажман.
За разлика од Мурињо, Јирген Клоп ужива на клупата на Ливерпул. Минатата сезона стана европски шампион, а во оваа, засега се единствен тим кој има максимален скор, шест победи во шест натпревари со гол разлика од 17:5.
– Не треба да бидам изненаден од карактерот на моите играчи, очекувам да се бориме за секоја победа. Не чека тешка работа во неверојатно силна лига. Сите очекуваат дека ќе бидеме една од двете најдобри екипи, па мораме и да играме на такво ниво – вели Клоп.