САД ја повикува Северна Кореја: Ослободете ги политичките затвореници
САД ја повикаа Северна Кореја да ги затвори сите политички затвори и да ги ослободи сите политички затвореници.
Вашингтон тврди дека има меѓу 80.000 и 120.000 затвореници во затворите во Северна Кореја.
Во своето обраќање пред Советот за човекови права на ОН во Женева, американскиот амбасадор Марк Касер ги повика властите на Северна Кореја да им дозволат на хуманитарните работници непречено да се движат и да им пристапат на оние на кои им е потребна помош.
Амбасадорот на Северна Кореја Хан Тае Сонг, во своја одбрана, на состанокот на Советот изјави дека правото на луѓето на живот и основните слободи се целосно обезбедени во Северна Кореја, но дека нивното користење го попречуваат санкциите наметнати врз Пјонгјанг.
На тој начин, тој побара укинување на санкциите.