Фудбалерите на Ливерпул како гости убедливо го совладаа Манчестер јунајтед со резултат 0:5 во деветтото коло од Премиер лигата.

Португалската ѕвезда и еден од најдобрите играчи во клубот од „Олд Трафорд“, Кристијано Роналдо после катастрофалниот пораз порача дека навивачите на оваа екипа заслужуваат повеќе.

– Понекогаш резултатот не е оној за кој се бориме. Понекогаш резултатот не е оној кој го сакаме. И ова зависи од нас, само од нас затоа што никој друг не е виновен.

Нашите навивачи повторно беа неверојатни, нè поддржуваа цело време. Тие заслужуваат подобро од ова, многу подобро, и зависи од нас да го направиме тоа за нив. Сега е времето – напиша Роналдо на Инстаграм.

Јунајтед моментно е на седмото место кое го дели со Евертон, Лестер и Арсенал. Во следното коло „црвените ѓаволи“ ќе играат против Тотенхем.

ВИДЕО: Оле „аут“, навивачите не може повеќе да го гледаат срамот на Манчестер јунајтед