Река: Секаде каде што има албанско мнозинство, ние победивме 3:1
Кандидатот за претседател Блерим Река на прес-конференција истакна задоволство од резултатите вечерва на првиот круг од претседателските избори. Тој рече дека не е важен бројот, туку е важно дека ја има поддршката од цела држава, додавајќи дека тој победи во сите општини со албанско мнозинство, а добил гласови од секоја општина од земјава.
-Презадоволни сме од резултатот, дури и ги надмина нашите очекувања. Секаде каде што има албанско мнозинство, ние победивме 3:1. Нема општина од која немаме добиено гласови. Според обработените резултати од повеќе од 50%, ние имаме 50.000 гласови, а очекуваме до крајот на броењето да стигнеме и до бројка од 80.000 гласови.
Не е важна бројката колку поддршката. Оваа поддршка ја делигитимира погрешната политика на владата.
Реков и во кампањата, ние нема да тагуваме по гласови, нема да бидеме трговци, но вечерашната поддршка ни дава мотив да продолжиме да работиме за доброто на земјата, рече Река.