Речиси 400 черепи од мајмуни запленети на аеродром во Париз, требало да стигнат во САД
Царинските службеници на главниот париски аеродром заплениле стотици черепи од заштитени видови мајмуни, кои требало да се користат како награди или подароци.
Тие черепи и черепите на други животни главно биле во пакети кои пристигнале од Камерун, соопшти вчера царината на аеродромот Шарл де Гол.
Примателите требало да бидат колекционери и ловечки клубови во САД. Некои од пакетите содржеле цели животни.
Ниту една од пратките немала потребна дозвола, а царинските службеници речиси секојдневно откриваа такви пратки на најголемиот француски аеродром.
Освен мајмуни, шверцувани се и други видови како видри, големи мачки, мајмуни и птици грабливки, соопштија цариниците.
Повеќе од 700 черепи од мајмуни и животни запленети меѓу мај и декември 2022 година, царината вчера му ги предала на Природонаучниот музеј во Екс-ан-Прованс, кој има намера да ги истражи и изложи, објави Ал Џезира.
„Згрозен сум кога мислам дека нашите најблиски роднини, големите мајмуни, се десеткувани, а на дождовните шуми им се одзема загрозениот биодиверзитет поради нешто што е и глупаво и скандалозно“, рече експертот за мајмуни во музејот, професорката Сабрина Криф.