Рецепт за домашни пица ролнички, готови за 15 минути
Рецептите за лиснато тесто се пригодни кога немате време да месите и сакате убави домашни печива.
Набавете лиснато тесто и направете ги овие супер ролни за пица! Можете целосно да ги прилагодите на вашиот вкус, да ги ставите во рерна и да имате топли печива за само 15 минути.
Состојки:
– 1 пакување лиснато тесто
– 200 грама сирење
– 150 грама шунка или салама (по избор)
– грст маслинки
– оригано
– кечап
Подготовка:
Загрејте ја рерната на 200 степени, обложете ја тепсијата за печење со хартија за печење. Расукајте го тестото во дебелина од околу половина сантиметар, намачкајте со кечап, посипете оригано и потоа нанесете фил – рендан кашкавал, шунка или салама, сечкани маслинки…
Секако, на пицата можете да ставите што сакате, како, на пример, зеленчуци, разни сувомесни деликатеси, фета-сирење, спанаќ… Важно е овие работи да бидат ситно исечкани за да можете да го свиткате тестото.
Започнете од најдолгата страна и свиткајте го тестото во облик на колбас. Потоа, исечете го на два прста дебелина. Ролничките ставете ги на хартија за печење и печете додека убаво не поруменат.
Послужете ги топли!