Разделбата помеѓу Погба и Јунајтед се поизвесна
Пол Погба е во центарот на вниманието во „црвениот“ дел од Манчестер. Французинот има се помала поддршка во клубот, а на навивачите им е јасно дека токму тој е причината за лошата атмосфера во соблекувалната, по што се интензивираа шпекулациите за негово заминување на лето.
Неговиот менаџер, контроверзниот Мино Рајола минатата недела ги откажа разговорите за нов договор, што е знак дека Погба сака по секоја цена да си замине од „Олд трафорд“.
Денеска, шпанските медиуми објавија, дека Погба, одбил да аплицира за кинеска виза која му е потребна за да може да оди на летни подготовки со клубот во најбројната земја на светот.
Веќе е јасно дека Погба сака да се пресели во Реал Мадрид, но засега Манчестер јунајтед одбива да преговара за евентуален трансфер. И во Реал има дилеми дали да се ангажира Погба, тренерот Зинедин Зидан го сака во својот тим, додека претседателот Флорентино Перез и капитенот Серхио Рамос засега се големи противници за негов ангажман.
Освен Реал Мадрид, голем интерес за Французинот пројавува и неговиот поранешен клуб, Јувентус кој подготвува понуда од 80 до 100 милиони евра плус Даглас Кошта.