Пол Погба се поизгледно е дека ќе го напушти Манчестер јунајтед налето, но со своите постапки ги затвора вратите за трансфер во Реал Мадрид, кој покажува најголем интерес за негов ангажман.
Имено, Погба му порачал на претседателот на Реал Мадрид, Флорентино Перез, дека налето ќе се пресели на „Сантијаго Бернабеу“ доколку добие плата од 16 милиони евра по сезона, со што би бил најдобро платен играч во новиот клуб.

На оваа вест која ја пренесе „Марка“, веднаш реагирал капитенот Серхио Рамос кој побарал состанок со Перез на кој му посочил дека Погба е непожелен во соблекувалната. Адутите на Рамос, кој добива околу 15 милиони евра по сезона, се дека многу фудбалери на Реал Мадрид, кои учествуваа во освојувањето на трите титули во ЛШ заслужуваат поголеми плати но и респект, за разлика од Погба кој ништо не освои со Манчестер јунајтед.

Според „Марка“, со противник како Рамос но и претседателот Перез, се помали се шансите Пол Погба да потпише за Реал Мадрид доколку не ги намали барањата и како нова опција за него се споменува враќање во Јувентус.
Италијанскиот шампион е подготвен да плати помеѓу 80 и 100 милиони евра плус Даглас Кошта само за да го врати Погба.