Путин телефонски разговарал со Макрон и со Шолц
Рускиот претседател Владимир Путин денеска телефонски разговараше со францускиот претседател Емануел Макрон и со германскиот канцелар Олаф Шолц при што ги информирал дека руската страна е отворена за обновување на дијалогот со Киев, соопшти Кремљ.
Тој ги предупредил за тоа колку е опасно да се продолжи со „пумпање“ на Украина со оружје од Запад, што според него води кон дестабилизација на ситуацијата.
– Претседателот на Русија им објасни на Макрон и Шолц како се организира процесот на нормализација на животот во Мариупол и другите ослободени градови на Донбас – соопшти Кремљ.
Една од темите на разговор беше и прашањето за безбедноста на храната.
– Русија е подготвена да придонесе за изнаоѓање варијанти на извоз на жито без пречки, вклучително и извоз на украинско жито од пристаништата на Црното Море – рекол рускиот лидер.
Според него, вистинските тешкотии околу испораката на храна настанале поради погрешната политика на Западот.