Пукање во Чаир, со пиштол се расчистувале сметки
Вооружен инцидент се случил вчера околу пладне во скопската населба Чаир – жител на главниот град потегнал пиштол и пукал кон 29-годишно момче и не го погодил, но оштетил паркиран автомобил, соопшти полицијата.
„На 08.12.2022 во СВР Скопје било пријавено дека околу 12.30 часот на ул.„Вуковарска”, по претходна расправија помеѓу Р.Б.(34) и П.Б.(29), од една страна, и В.А., од друга страна, сите тројца од Скопје, В.А. испукал од огнено оружје кон П.Б.“, велат од МВР.
Во инцидентот нема повредени, а испуканиот куршум завршил во паркиран автомобил, додаваат од полицијата, која извршила увид и работи на расчистување на случајот.