Францускиот репрезентативец се повреди пред недела за време на финалето од Лига Купот против Сент Етјен. Прогнозата на докторите е дека нема скршеница на ногата, туку само истегнување на лигаментите на стопалото и препорачаа мирување од три недели, што значеше дека Мбапе ќе го пропушти четвртфиналниот дуел против Аталанта кој треба да се игра на 12. август.

Но, вечерва француските медиуми најавуваат пресврт со состојбата со Мбапе и тврдат дека тој ќе биде на списокот на тренерот Томас Тухел за натпреварот протит Аталанта. „Лекип“ тврди дека рехабилитацијата оди според предвиденото, дури и подобро и токму затоа Мбапе се очекува да биде во првиот тим на ПСЖ кој во Лисабон ќе игра против Аталанта.