Домот на поранешниот француски претседател Франсоа Оланд и неговата сопруга, Жули Гаје, минатиот месец беше цел на провална кражба, објави Ле монд.

Домот на двојката, во 20-от париски арондисман, имаше 24-часовна полициска заштита. Сепак, во сабота, на 22 ноември, двајца мажи успеаја да влезат и да украдат часовник и ајпадот на Гаје , додека полицијата беше на само неколку метри оддалеченост, според француските медиуми.

Подоцна, еден од сторителите се вратил да ја земе електронската цигара што ја заборавил во домот. Дури успеал да избега скокајќи преку оградата.

Истрагата што следеше доведе до апсење на двајцата осомничени, додека часовникот на Оланд беше пронајден и вратен на поранешниот француски претседател.

Истрагата покажа дека имало слабости во полициската заштита, бидејќи вратата од куќата не била заклучена, а портата од градината била оставена отворена.