Еден професионален готвач откри што никогаш не би нарачал за достава од ресторан, пренесува „Инсајдер“.

Помфрит

Помфритот најдобро е да се јаде веднаш откако ќе се извади од фритеза. Има многу краток рок на траење. Кога ќе го ставите во картонска кутија, ја губи неговата крцкавост што го прави вкусен.

Јајца

Омлет и слични јадења направени со јајца не се добри за достава. Ризикувате да добиете лепливо јадење што никој нема да сака да го вкуси. Најдобро е омлетот сами да го подготвите дома и веднаш да го послужите.

Начоси

Ова јадење е најдобро да се јаде веднаш, бидејќи само тогаш е највкусно – комбинација од крцкав чипс и кремаст свеж прелив. Дури и најцврстите чипсови не можат да ја издржат „тежината“ на салсата, павлаката и гравот за време на транспортот. Наместо свежа храна, ќе добиете каша што не може да се јаде.

Смути

Смутито најдобро е да се пие веднаш откако ќе се извади од блендерот. Додека вашиот пијалок да стигне до вас, може да биде топол и непријатен за пиење.

Пржена храна

Сè што е похувано или пржено ќе ја изгуби својата привлечна крцкава надворешност за време на испораката.

Супи со тестенини

Тестенините имаат карактеристика да впиваат течност, па ако не ги одделите тестенините од супата, тестенините ќе ја впијат супата и јадењето нема да биде како што сакате.

Лосос

Лососот може да се превари за време на транспортот. Ова важи за сè што сакате да јадете свежо, како стек и морски плодови. Преостанатата топлина заробена во кутијата со храна може да го превари вашето омилено јадење.