ВИДЕО | Рецепт за шницли од тиквички: Внесете ги потребните витамини и уживајте во вкусниот оброк
Тиквичките се одличен извор на витамин Ц, магнезиум, витамин А, калиум, влакна, фосфор, бакар и витамин Б2.
Тиквичките благотворно делуваат на целокупното здравје на нашиот организам и треба да се консумираат додека се млади и на најздрав начин да се внесат во нашиот организам, а од кујната на нашата баба доаѓа предлог за оброк кој е вкусен и здрав.
Состојки:
– 2 средни млади тиквички
– 3 јајца
– 100 грaма сусам
– 2 лажици кисела павлака
– 100 грама брашно
– 1 лажичка слатка црвена пиперка
– 4 чешниња лук
– сол, масло
Подготовка:
Тиквичките излупете ги и исечете ги на подебели парчиња и посолете ги. Оставете да отстојат во сол 15 минути, па исцедете ги. Издробете го лукот, посолете и сипете две лажици вода и тоа нека отстои 15 минути. Врз фолија сипете брашно и слатка пиперка, па измешајте.
Презлата и сусамот измешајте ги и сипете ги на фолијата покрај брашното. Во сад изматете ги јајцата, малку масло и павлаката за да се добие густа маса.
Исцедете ги тиквичките, додадете го исцедениот лук и со раце изедначете. Секое парче тиквичка панирајте го (извалкајте го) по следниот редослед: брашно, јајца, презла и сусам и наредете ги во подмачкан плех или обложен со хартија за печење.
Печете на 220 степени 30 минути додека убаво не поруменат. Сервирајте топло како прилог или како главно јадење.