Продолжува изборната кампања, еве каде ќе се претстават претседателските кандидати
Претседателската кампања на седумте кандидати продолжува денеска. Кандидатот за претседател Стево Пендаровски денеска е на средби со граѓаните на Желино, Брвеница и на Теарце, а потоа тој ќе одржи митинзи во Јегуновце и во Тетово. Кандидатката за претседател на ВМРО-ДПМНЕ и коалицијата Гордана Силјановска- Давкова ќе одржи средби со граѓани и митинзи во Зелениково, Бутел и Карпош.
Претседателскиот кандидат на ГРОМ и коалицијата Стевчо Јакимовски во текот на денот ќе биде на средби со граѓани на Крива Паланка. Кандидатката за претседател поддржана од Левица Билјана Ванковска ќе одржи средби со граѓаните на Струга и Охрид. Кандидатот за претседател на коалицијата Вреди Арбен Таравари ќе има средби со граѓани во Паркот во Сарај, а вечерта ќе одржи собир во Куманово. Кандидатот за претседател на ЗНАМ Максим Димитроевски ќе биде меѓу граѓаните на Кичево, Демир Хисар, Кривогаштани и вечерта во Прилеп.