Проблем за Русите, виси настапот на ОИ во Токио
ВАДА очекува РУСАДА во најскоро време да ја поправи грешката со непотполните податоци, а доколку тоа не се направи, на Русија би можел да и биде забранет настап на Олимписките игри во Токио идната година.
Имено, ВАДА вчера објави дека е покрената постапка против руската анти-допинг агенција. Русија се сомничи за манипулирање со податоци на московската анти-допинг лабораторија кои и биле пратени на надзорното тело во 2019 година.
„ВАДА на руската страна и даде три недели да ги објасни наводните измени на податоци од московската лабораторија“, изјави претседателот на одборот за жалби, Џонатан Тејлор.
Поради сомнежи за системски допинг, Русија нема да учествува на претстојното Светско првенство во атлетика бидејќи Светската атлетска федерација (ИААФ) одлучи да не им ја укине суспензијата.