Пријавено оштетување на таблата за електрична енергија во модуларната болница во Прилеп

Модуларна ковид-болница / Фото: EPA-EFE/GEORGI LICOVSKI

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од модуларната болница, соопштија од Министерство за здравство.

– Обезбедувањето на болницата забележало дека таблата од надворешната страна на болницата е отворена со хебла и го известиле електричарот од болницата, а веднаш била повикана и полиција. Струјата во модуларната болница е во функција, бидејќи надворешната табла не врши дотур на електрична енергија на опремата во болницата, соопштија од Министерство за здравство и додаваат дека во модуларната болница има хоспитализирано 17 пациенти.

– Вандализмот не довел да се загрози животот на пациентите. Министерството за здравство апелира до надлежните институции за што побрзо расчистување на случајот, информираат од Министерство за здравство.

Извор: МИА

Видео на денот