Премиер лига: Нотингем форест е казнет со одземање четири бода
Фудбалскиот клуб Нотингем форест е казнет со одземање на четири бодови за прекршување на правилата за профитабилност и одржливост. Со овие санкции, поранешниот европски шампион падна во зоната за испаѓање, со бод помалку од Лутон на 17 позиција.
Во јануари популарните „шумари“ беа обвинети за прекршување на Правилата во сезоната 2022/23. Не ги исполнија основните принципи на финансискиот фер-плеј дека за три сезони не смеат да имаат повеќе од 105 милиони фунти загуби.
Иако ова е втора последователна сезона за Форест во елитата, тие не се спасија од казна, бидејќи ги прекршија правилата и на Премиер лигата и на Чемпионшип.
Во таа последна сезона во долниот дел од натпреварувањето, не им беше дозволено да загубат повеќе од 61 милион фунти годишно.
Nottingham Forest have been given a four-point deduction for breaching Premier League financial rules, per multiple reports pic.twitter.com/OcgiOKMNy6
— B/R Football (@brfootball) March 18, 2024
Од промоција во елита, преку плеј-офот, Нотингем донесе дури 42 играчи за околу 250 милиони фунти. Тие трипати поставија трансфер рекорди, откако потпишаа со Таиво Авонији, потоа Морган Гибс-Вајт и на крајот Ибрахим Сангаре.
Во постапката против независната комисија, Форест призна дека го прекршил законот, но тврдеше дека ги прекршиле правилата само два месеци, додека ги пополнувале сметките на клубот помеѓу 30 јуни и 1 септември.