Хрватската пејачка Северина Вучковиќ со години се бори за старателството над синот Александар со српскиот бизнисмен Милан Поповиќ, а сега пејачката за првпат откри какво изгледало нејзиното породување.

Северина раскажала дека лежела на онколошкото одделение пред да се породи и рекла дека нејзиниот поранешен партнер Милан ги крадел нејзините омилени слатки и им ги давал на медицинските сестри во породилиштето.

– Син ми го родив со царски рез бидејќи се плашеа поради моите години, а потоа морав да лежам мирна околу 2-3 дена, иако детето беше покрај мене. Сите знаат дека сакам чоколадни наполитанки и тогаш ми ги носеа во породилното. Меѓутоа, оној чие име не се спомнува, ми ги крадеше сите тие наполитанки од шкафот и им ги даваше на сестрите – рекла Северина, а потоа објаснила зошто ја сместиле на одделението за онколошки пациенти.

– Ме сместија на едно одделение кое беше за онколошки пациенти, бидејќи луѓето од улица доаѓаа да ме посетуваат и тогаш повеќе не знаеја што да прават со мене. Така, штом ќе заминеше тој чие име не се спомнува, сестрите ја заклучуваа вратата, па мe викaа и јас седнував со стомакот и јадев две кутии од тие наполитанки и кока – кола, што никогаш во животот не сум го правела. Но, тоа тогаш навистина ме влечеше – се присетила Северина во интервјуто за хрватска „Глорија“.

ФОТОГАЛЕРИЈА | Северина направи музички земјотрес во Скопје и ни порача да ја чуваме Македонија!

ВИДЕО | „Ти си најдобрата мајка на светот“: Северина доби емотивни честитки од син ѝ и од мајка ѝ за 52. роденден